Hujjatga muvofiq, Ixtisoslashgan prokurorlar korpusi faoliyatida 2023 yil 1 sentyabrgacha «Sudlarda prokuror ishtiroki» axborot tizimi sinov tarzida ishga tushiriladi hamda 2024 yildan amaliyotga to‘liq joriy etiladi.
Shuningdek, ayrim toifadagi fuqarolik, iqtisodiy va maʼmuriy ishlarni ko‘rish vakolati maʼmuriy organlarga o‘tkaziladi. Ayrim toifadagi jinoyat, fuqarolik, iqtisodiy va maʼmuriy ishlar quyi instansiya sudlarining o‘zida yakunlash tartibi belgilanadi.
Bundan tashqari, ayrim yo‘nalishlarda prokuror nazorati qisqartiriladi, Bosh prokuratura huzuridagi tashkilotlar shtat birliklari maqbullashtiriladi hamda uning hisobidan Ixtisoslashgan prokurorlar korpusi shtat birliklari soni ko‘paytiriladi.
Davlatimiz rahbari farmonida Ixtisoslashgan prokurorlar korpusi xodimlari sud binolarida o‘tirishi qayd etilgan.
