ТОШКЕНТ, 25 январь. /«Дунё» АА/. Бугун Ўзбекистон амалий санъат ва ҳунармандчилик тарихи давлат музейида «Ислом Каримов сиймоси амалий санъат асарларида» номли кўргазма очилди, деб хабар бермоқда «Дунё» АА мухбири Маданият вазирлиги манбасига асосланиб.
Кўргазма очилишида Ўзбекистон Биринчи Президенти Ислом Каримов номидаги илмий маърифий ёдгорлик мажмуаси директори Т.Ширинов, Юнус Ражабий уй музейи директори Х.Ражабий ва бошқалар иштирок этди.
Меҳмонларга мажмуа томонидан нашр этилган Ўзбекистон Республикаси Биринчи Президенти Ислом Каримов ҳаёти ва фаолиятига бағишланган китоблар тақдим этилди.
Кўргазма 2021 йил 30 январга қадар давом этади.
