Ushbu bayram tantanalari doirasida Turkiya davlat teleradiokompaniyasi “TRT” tomonidan 40 yildan buyon har yili 20-25-aprel kunlari Xalqaro bolalar bayrami festivali tashkil etib kelinmoqda. Bu yil mazkur tadbir Turkiyaning Samsun va Anqara shaharlarida dunyoning 40dan ziyod mamlakatdan taklif etilgan bolalar va o‘smirlar badiiy guruhlari ishtirokida bo‘lib o‘tdi.
Xususan, O‘zbekistondan bu festivalda “Marvarid” bolalar guruhi qatnashdi. Yoshlarimiz o‘zlarining quvonch va samimiyatga to‘la chiqishlari bilan tadbir ishtirokchilarining olqishlariga savozor bo‘lishdi. Milliy va zamonaviy, xalqaro va mintaqaviy musiqa hamda raqs san’ati namunalari, o‘zbekona liboslar, urf-odatlarni namoyish etgan o‘g‘il-qizlarimiz O‘zbekiston bayrog‘ini mazkur xalqaro tadbirlarda mag‘rurlik ila baland ko‘tarmoqdalar.
